ამა წლის 19–20 ივნისს საქართველოში საქმიანი ვიზიტით იმყოფებოდნენ რუსეთის ფედერალური საქსელო კომპანიის მმართველობის თავმჯდომარე ბატონი ალექსანდრ მუროვი და კომპანიის სხვა მაღალი თანამდებობის პირები.

ამა წლის 19–20 ივნისს საქართველოში საქმიანი ვიზიტით იმყოფებოდნენ რუსეთის ფედერალური საქსელო კომპანიის მმართველობის თავმჯდომარე ბატონი ალექსანდრ მუროვი და კომპანიის სხვა მაღალი თანამდებობის პირები. ისინი ეწვივნენ საქართველოს ენერგეტიკის სამინისტროს, სადაც გაიმართა შეხვედრა მინისტრთან ბატონ კახა კალაძესთან, მინისტრის მოადგილეებთან და სამინისტროს სხვა წარმომადგენლებთან. შეხვედრის შემდეგ, სასტუმრო „რედისონ ბლუ ივერიაში” გაიმართა სს გეს „საქრუსენერგოს” პრეზენტაცია, ბოლო 2 წლის განმავლობაში კომპანიის მიერ გაწეულ მოღვაწეობასთან დაკავშირებით. პრეზენტაციის შემდგომ გაიმართა მცირე მიმოხილვა საინტერესო საკითხებთან დაკავშირებით რუს და ქართველ კოლეგებს შორის.
გარდა ამისა რუსეთის ფედერალური საქსელო კომპანიის წარმომადგენლებმა შეხვედრა გამართეს საქართველოს სახელმწიფო ელექტროსისტემის ხელმძღვანელობასთანთან.