დღეს ჩვენი კომპანიის ღვაწლმოსილ თანამშრომელს ბატონ თამაზ თხელიძეს 80 წელი შეუსრულდა.
ჩვენ დიდად ვაფასებთ ბატონი თამაზის მიერ გაწეულ დაუღალავ და კეთილსინდისიერ შრომას, მიზანდასახულობასა და დიდ პასუხისმგებლობას, რომლითაც იგი ეკიდება ყოველ დავალებას, დასახულ მიზანსა თუ ამოცანას. აქვე გვინდა, აღვნიშნოთ მისი პიროვნული თვისებები: ლოიალობა, კაცთმოყვარეობა, სიკეთე, კოლეგიალურობა. სს გეს “საქრუსენერგოში” მოღვაწეობის პერიოდში მან აღზარდა და პროფესიონალ კადრად ჩამოყალიბებაში დაეხმარა არაერთ ახალგაზრდა სპეციალისტს, რომელთაც ყოველთვის ემახსოვრებათ მის მიერ გაწეული ღვაწლი.
ბატონ თამაზს საიუბილეო თარიღი მიულოცა ჩვენი კომპანიის გენერალურმა დირექტორმა და მთელი კოლექტივის სახელით უსურვა მას ჯანმრთელობა, ბედნიერება, დღეგრძელობა და ჩაფიქრებული იდეებისა და გეგმების სრულად განხორციელება.
