სს გეს „საქრუსენერგო” აქტიურ მონაწილეობას იღებს აჭარაში სტიქიური მოვლენების შედეგად დაზიანებული ელექტროგადამცემი ხაზების აღდგენითი სამუშაოების წარმოებაში. დღეისათვის აღდგენილია 220კვ ეგხ „პალიასტომი–2″, აღდგენითი სამუშაოები 2 დღე–ღამის განმავლობაში მიმდინარეობდა.
აგრეთვე, მიმდინარეობს ინტენსიური სამუშაოები ენერგო–პრო ჯორჯიას კუთვნილ 35კვ ელექტროგადამცემ ხაზებზე „მარადიდი” და „მახუნცეთი”. სამუშაოებში ჩართულია სს გეს „საქრუსენერგოს” ორმოცამდე თანამშრომელი, მობილიზებულია 10 ერთეული სპეცტექნიკა. აღდგენითი სამუშაოები სავარაუდოდ კიდევ 1 კვირას გასტანს.
